قصيدة غرامك

هيه يا للي غرامـك قادنـي للجنـون...دوك هذا خفوقي واعتلـي منكبـي..
وخلي الرمش بيتك ورقدي بالجفـون....ونزلي يم قلبي وبالضلـوع ألعبـي..
ورتبيهن شوي شـوي خلـك حنـون...وارجعي بعثريهن زي مـا ترغبـي..
بـس تسـلا حياتـي خلهـم يتعبـون ...دام هالملك ملكك كسري واشطبـي..
وانسجي لك قلم من أي ضلع(ن)تبـون...خلي المحبره دمي ومنهـا اسكبـي..
وسجلي ذكرياتك جنب ذيك الطعـون...أكتبي لي أحبـك أي شـي أكتبـي..
وكان دقات قلبـي ياغـلا يزعجـون...اسكني صدري الأيمـن ولا تذهبـي..
ولاهدا الجو عنـدك ياكحيـل العيـون...غردي مع مشاعرشاعرك واطربـي..
الله اللي عطاك وصرت فينـي تمـون...صرت كلي حلالك بس قل وشتبـي..
انت تأمر تدلل وكل شـي(ن) يهـون....ومن يعارض كلامك أشهد أنه غبـي..
لو طلبتي أعيوني يالغـلا يرخصـون...لا حصلي أرضاكم قلت ذا مطلبـي..
أنتي اللـي جمالـك شاقنـي يافتـون...منجرفتي وراء الموضه ولبس أجنبي..
كان بالزين فن أنتـي مـلاك الفنـون...وكان للزين شيخ أنتي عقيد اعربـي..
كل ماشفت زولك وأنت تمشي بهـون...قمت اكبر واهلـل ياصـلاة النبـي..
هذي اللي اعيونـي لجلهـا يسهـرون...وهذي اللي سبت حالي وعقلي سبي..
عاليه فوق عرش الزين لـو يزعلـون.....والبحر ماه كافي ياغيـور اشربـي..

م ن ق و ل